sábado, 6 de marzo de 2010

Uxio Novoneyra. LETRAS GALEGAS 2010


Uxío Novoneyra naceu en Parada de Moreda, Courel, en 1930, fillo dunha familia de labregos. Esta terra será o principal referente físico para os seus versos, ofrecendo unha anovadora visión da paisaxe dentro da literatura galega. No ano 1955 deu ao prelo Os eidos, poemario con que comeza un ciclo poético que retomará con Os eidos 2. Letanía de Galicia e outros poemas (1974). Nos comezos da década de 80, o poeta principia a recompilar e depurar o seu ciclo courelán, dando a lume Os eidos. Libro do Courel (1981), que terá diversas reedicións. No ano 1983 afíncase definitivamente en Santiago, cidade desde a cal exerceu como presidente da Asociación de Escritores en Lingua Galega, até a súa morte no ano 1999.

Publica Poemas caligráficos en 1979, nunha edición prologada e ilustrada por Reimundo Patiño, con textos vinculados a unha vangarda pictórica organizada arredor do grupo Brais Pinto. Xa na segunda metade desa década comeza cunha recompilación temática da súa produción poética completa. Así, en Muller pra lonxe (1987), reuniu os poemas paixonais e amorosos, e dous anos máis tarde, en Do Courel a Compostela 1956-1986, os de temática política, que irán acompañados dunha antoloxía crítica. En 1994, logo de varios anos de silencio editorial, editouPoemas de doada certeza i este brillo premido entre as pálpebras. En 1998 publicou Betanzos: Poema dos Caneiros e Estampas.

Nos seus textos, Novoneyra explicita o seu compromiso nacionalista e marxista (especialmente na época en que estes temas son protagónicos na literatura galega), sen deixar de preocuparse en ningún momento pola forma poética e mais pola linguaxe, pesquisando na materia lírica até conseguir o mellor resultado visual e —sobre todo— sonoro para os textos (botando man para tal efecto de diversos recursos como o fonosimbolismo, a utilización de dialectalismos e vulgarismos, os silencios, o simbolismo gráfico, etc)

LETRAS GALEGAS 2010


Vicente Risco, escritor ao que se lle dedica a exposición




Con motivo da conmemoración do 17 de maio, todas as entidades públicas e privadas, grandes pequenas , nacionais ou locais, que aman o noso país, a nosa lingua e a nosa cultura, celebran esta data con multitude de actos que se organizan en cada recuncho da nosa Terra.
A nosa Asociación quere sumarse a eles con unha charla sobre o poeta Uxío Novoneyra, a quen este ano a Real Academia adica o Día dasLetras Galegas, que vai impartir a que fora dictora do Colexio da Serra e máis do Instituto Poeta Añón, Pilar Sampedro o venres 21 de maio na Casa da Cultura e máis cunha exposición adicada a Vicente Risco que se inaugurará o mesmo día coa participación de Luis Martínez-Risco, presidente da Fundación que leva o nome do insigne escritor ourensán e se poderá contemplar ata o 4 de xuño.

ASAMBLEA DO DIA 17 DE XANEIRO















A actual directiva presentou aos socios asistentes o balance de actividades do ano 2009 e se aprobaron as contas do execicio anterior, así como o plan de actividades para o presente ano.

PRESENTACIÓN DO NÚMERO 9 DA REVISTA


presentación do Número 9 da Revista a cargo de Xan Mariño

viernes, 19 de febrero de 2010

sábado 20 de febreiro actúan no Tabasco " Os Tabernícolas do Leiradal

Mañá, sábado 20 de febreiro actúan no Tabasco " Os Tabernícolas do Leiradal ", grupo formado por profesores dos institutos de Muros e Carnota que xa nos deleitaron coas súas interpretacións de temas popolares durante a celebración do magosto que puxo punto final á II muiñada organizada pola A.C. C. Terra de Outes en 2008, ademais de acompañarnos un dos seus integrantes (Emiliano Mourenza) coas súas interpretacións musicais na inauguración do Xardín da Memoria que esta Asociación construiu ao redor do monumento da vítimas do franquismo no ano 2009, no Freixo.

A actuación deste grupo vai poñer tamén punto final ao pub que durante 26 anos animaou a vida noctura, pero tamén cultural e rivindicativa non só de Outes, senón de toda a comarca. Motivo polo que, desde a directiva de Terra de Outes, facemos un especial chamamento a todos os socios e socias a asistir á caída do telón do teatro onde se representaron algunas das actuacións máis festivas da Plataforma Nunca Máis, de cuxo empuxe mobilizador naceu a nosa Asociación.
Por outra parte, según dicía na propaganda, a empresa xestora do pub invita a unha copa ( non sabemos se se refire ao primeiro que chegue, ou unha para cada un). Alí nos vemos (e saímos de dúbidas).

jueves, 15 de enero de 2009

SOLIDARIDADE CON PALESTINA


A Asociación Cívico-Cultural Terra de Outes quere expresar a súa solidariedade co sufrimento do pobo palestino así como a súa adhesión á manifestación convocada pola coordinadora Galega pola Paz, sindicatos, partidos políticos e outras organizacións o próximo domingo 18 de xaneiro ás 12 da mañá na alameda de Santiago e animamos a todos os socios e colaboradores a participar na mesma.
Xoán X. Mariño
Presidente da A.C.C. Terra de Outes

martes, 16 de diciembre de 2008

vamos por ancho camino

Unha canción de Victor Jara. "Vamos por ancho camino".
Un tema de esperanza para o vindeiro 2009

viernes, 12 de diciembre de 2008

BO NADAL

A Asociación Cívico-Cultural "Terra de Outes" deséxavos un bo nadal.
BO NADAL

miércoles, 19 de noviembre de 2008

VENRES 21 DE NOVEMBRO, CINEFORUM


O venres, 21 de novembro, ás 19 h., a Asociación Cívico-Cultural Terra de Outes, en colaboración co Laboratorio de Arqueoloxía da Paisaxe, do Instituto Padre Sarmiento de Estudio Galegos (CSIC), organiza unha actividade de Cineforum, coa proxección o documental "O Neixón, Historia viva dun castro", seguido da participación do arqueólogo Xurxo Ayán, que dirixiu a súa escavación, e dos autores do documental.
O acto terá lugar na Casa da Culura de Outes, no marco da Semana da Ciencia de Galicia 2008.

viernes, 14 de noviembre de 2008

ÚLTIMAS NOVAS DA ASOCIACIÓN

O día 15 de novembro celebraremos o magosto, e, ao finalizar este (aproximadamente ás 19:30 horas), presentaremos o novo número da nosa revista na Casa da Cultura. Como coincide co aniversario da aparición desta publicación, ademais das intervencións de Xoán Mariño, Domingos Campos e Ramón Blanco, contaremos coa participación de Pedro García Vidal e algún outro persoeiro cultural da nosa comarca.

Así mesmo, queremos tamén animarvos a asistir á presentación do novo libro do noso socio Xoán García: "A carpintería de ribeira e os estaleiros no Concello de Outes", que vai ter lugar o venres 14 de novembro, ás 20:30 horas, na Casa da Cultura de Serra de Outes . O libro está editado por Toxosoutos.